「死敵」葉璇與張文慈等不及世界盃開鑼，又再埋牙鬥「波」，今次葉璇勝一仗卻輸人緣，惟急「下戰書」以三點式泳裝一決高下，而張文慈亦奉陪到底，二人惡鬥還未完場。
葉璇、張文慈、陳啟泰、麥家琪、金燕玲昨日出席劇集《情陷夜中環2》宣傳活動，以低胸吊帶裙上陣的葉璇，雖撼低身穿tube-top、短褲的「死對頭」張文慈，但卻輸了人緣，慘變「獨孤精」，惟有黐實老前輩金燕玲。反觀文慈與其他演員有講有笑，難怪葉璇不是味兒，更公然下戰書，揚言待收視理想要舉行沙灘派對，齊齊三點式祝捷。
葉璇對該劇充滿信心，表示若劇集達雙位數收視，會接受監製建議三點式舉行沙灘派對，她謂：「套劇咁多靚女，一齊三點式一定可以大飽眼福。」葉璇又賣口乖，表示從沒拍過如此好的劇本，莫非是暗寸在無的時候沒有好劇？
陳啟泰食波餅 至於文慈對於葉璇下戰書，她說：「佢真係咁講？如果大家高興都冇所謂，我實奉陪，唔好得個講字，唔好到時出面件衫喎！（今日好似唔夠性感？）今日商場多一家大細，覺得自己得好飄逸。如果今次唔夠勁，下次再過，陸續有，每人贏番次咁先好玩。」
另外，曾因擁抱戲而傳不和的陳啟泰與葉璇示範自術，陳啟泰大食「波餅」，不過事後他說：「冇呀，真係冇，我都feel唔到，我個波仲大啦。」
文：專題小組
葉璇以一襲低胸吊帶裙，撼低「死敵」張文慈，成為全場最性感。